Kiwari lamun anjeun
ulin ka Tasikmalaya aya jalan anu ngarana teh jalan KHZ Mustafa oge jalan ieu
teh ayeuna mah geus identik jeung pusat jual beli urang tasik ti mimiti
toko-toko gede / supermarket, toko-toko kelonotngan aya di dieu. Masayarkat
tasik tangtu arapaleun kana jalan ieu anu sok disingkat jadi jalan HZ. Di
tasikmalaya oge aya tugu HZ (KHZ Mustafa) di By Pass-Linggajaya, kecamatan
mangkubumi ieu mangrupa Lafal Alloh make bahasa Arab dijieun tina perunggu anu
di kuliling ku kolam jeun taman anu bentukna buleud atawa melingkar.
Ngaran KHZ Mustafa dicokot tina ngaran pahlawan
nasiona KH Zaenal Mustafa, terkenal pahlawan anu tegas tur wanian ngaberontak
ka penjajah belanda jeung jepang. Puncak pertempurana teh tgl 25 Pebruari 1944.
Pertempuran ieu teh dikenal ku pertempuran Singaparna.
Kuburan KHZ Mustafa aya di Taman Makam Pahlawan,
mangrupakeun pinahaan ti makam KHZ Mustafa anu di Ancol-Jakarta Kaler tempat
eksekusi KHZ Mustafa jeung murid-muridna ku penjajah jepang tanggal 25 Oktober
1944. Mindahkeuna teh dilaksakeun tanggal 25 Agustus 1973.
Akhirna KHZ Mustafa diangkat jadi Pahlawan
Pergerakan Nasional tanggal 6 Nopember 1972 dumasar kana SK Presiden Republik
Indonesia No. 064/ TK/ Tahun 1972.
Tidak ada komentar:
Posting Komentar